МАЪРУЗА
   ТАБРИКОТИ ДИРЕКТОРИ КОЛЛЕҶИ МУҲАНДИСИЮ ОМӮЗГОРИИ ШАҲРИ ДУШАНБЕ ШИРИНЗОДА НАҶМУДДИН АСОМУДДИН БАХШИДА БА РӮЗИ ИДИ КАСБИИ ОМӮЗГОРОН!
    
     Ҷашн дорад ин замон дар мамлакат омӯзгор,
     Тирагиро дур созад, нур бахшад рӯзгор.
 
    Шарифтарину наҷибтарин касб дар рӯйи замин пешаи омӯзгорист. Рисолати ростини ҳар муаллими асил омӯзишу парвариш ва ба роҳи рост ҳидоят намудани хонандагон аст. Муаллим ба ҷуз сохтани инсон ва камол бахшидан ба он ҳадафи дигаре надорад. Муаллим касе аст, ки ташнагони маърифату донишро ба оби ҳаёт мерасонад ва зиндагонии онҳоро шодоб месозад. Муаллим аст, ки инсонҳо дар партави нури дониши ӯ дар роҳи пурпечутоби зиндагӣ масири дурусти худро пайдо мекунанду зиндагии хешро месозанд. Муаллим ба хонандагон аз навиштану хондани як ҳарф, то андешидани корҳои бузургро таълим медиҳад. Ҳама камоли донишу биниши аҳли башар аз муаллим аст.
    Бо истифода аз фурсати ба даст омада Шумо омӯзгорони гиромиқадри муассисаи таълимӣ, ҳамкасбони азизамро, барои лутфу меҳрубонӣ, барои ранҷу азоб ва заҳмате, ки ба хотири соҳиби касбу дониш шудани фарзандони миллати азизамон заҳмат мекашед, бо Рӯзи Иди касбиатон самимона табрику муборакбод мегӯям ва бароятон тансиҳатию хонаи обод ва саодати рӯзгорро таманно дорам.
    Бигузор ҳамеша қаламатон тезу бурро бошад ва дар корҳои илмиатон муваффақиятҳои нав ба навро орзумандам. Идатон муборак ҳамкасбони азиз!
 
        Ҷашнатон бодо муборак, устодони азиз,
        Шодмон бошед доим, ғамгусорони ази