Ширинзода Наҷмуддин Асомадин, 18 марти соли 1983 дар ноҳияи Кӯшониёни вилояти Хатлони Ҷумҳурии Тоҷикистон дар оилаи хизматчӣ таваллуд шудааст.

    Баъди хатми мактаби таҳсилоти миёнаи умумии №14-и ҷамоати деҳоти Заргари ноҳияи Кӯшониён соли 1999 ба факултети филологияи тоҷики Донишгоҳи давлатии шаҳри Бохтар ба номи Носири Хусрав дохил шуда, соли 2005 онро аз рӯи ихтиссоси «Забон ва адабиёти тоҷик» хатм намудааст.

    Фаъолияти меҳнатияшро баъди хатми донишгоҳ аз 01.03.2006 оғоз намуда то 19.09.2009 сол дар мактаби таҳсилоти миёнаи умумии №14-и ноҳияи Кӯшониён кор ва фаъолият намуда, аз таърихи 22.09.2009 сол ҳамчун омӯзгори кафедраи методикаи таълими ибтидоии Донишгоҳи давлатии шаҳри Бохтар ба номи Носири Хусрав фаъолияти меҳнатӣ намудааст.

    Аз 01.01.2010 ба шуъбаи рӯзонаи аспирантураи факултети филологияи Донишгоҳи давлатии шаҳри Бохтар ба номи Носири Хусрав дохил шуда, аз таърихи 09.04.2010 ба таври гузариш ба шуъбаи рӯзонаи аспирантураи кафедраи таърихи адабиёти тоҷик, факултети филологияи тоҷики Донишгоҳи миллии Тоҷикистон гузашта, онро 31.12.2012 хатм намуда.

      Аз 07.01.2013 сол ба ҳайси мутахассиси пешбари раёсати таҳсилоти олии касбӣ ва баъдидипломии Вазорати маориф ва илми Ҷумҳурии Тоҷикистон, ва аз соли 2014 то соли 2017 дар вазифаи мутахассиси раёсати таҳсилоти ибтидоӣ ва миёнаи касбии Вазорати маориф ва илми Ҷумҳурии Тоҷикистон кор ва фаъолият намуда аз 30.10.2017 ба таври гузариш ба вазифаи директори Муассисаи давлатии таълимии Коллеҷи техникию омӯзгории ноҳияи Рӯдакӣ то 06.07.2020 кору фаъолият намудааст.

     Аз таърихи 06.07.2020.ба тариқи гузариш ба ҳайси директори Муассисаи давлатии таълимии Коллеҷи муҳандисию омӯзгории шаҳри Душанберо ба уҳда дорад.

    Дар соли 2015 рисолаи илмиашро дар мавзӯи «Ҷамолуддини Муҳаммад ибни Абдураззоқи Исфаҳонӣ ва мақоми ӯ дар таҳаввули ғазал» дифоъ намудам.

Ширинзода НаҶмуддин Асомадин

Директори Коллеҷи муҳандисию омӯзгории шаҳри Душанбе, номзади илмҳои филология

      Муаллифи якчанд мақолаҳои илмӣ, панҷ китоб ва ду монография: Ҷамолуддини Исфаҳонӣ, Ғазалиёт. Мураттиб, муаллифи пешгуфтор, шарҳи луғот ва тавзеҳот, 2011 Таърихи адабиёти тоҷик (баёз) 2 бо ҳаммуалифон 2014, Ҷамолуддин Муҳаммади Исфаҳонӣ ва ғазалиёти ӯ, Душанбе 2015, Джамал ид дин Исфахани – мастер таджикско – персидской газели Душанбе «Маориф» 2016, Гулчини андарзҳои Мавлавӣ аз «Маснавии маънавӣ» Душанбе 2017 ва дигарҳо.

     Соли 2013 бо «Ифтихорнома»-и Вазорати маориф ва илми Ҷумҳурии Тоҷикистон, соли 2015 бо нишони «Аълочии маориф ва илми Ҷумҳурии Тоҷикистон» ва соли 2017 барои дастовардҳо дар соҳаи илмҳои ҷомеашиносӣ ва гуманитарӣ бо «Ҷоизаи ба номи Исмоили Сомонӣ барои олимони ҷавон дар соҳаи илм ва техника», «Ифтихорнома»-и Вазорати фарҳанги Ҷумҳурии Тоҷикистон, «Ифтихорномаи»-и ҲХДТ дар ноҳияи Рӯдакӣ 2019 , «Ифтихорномаи»-и ҲХДТ дар шаҳри Душанбе, «Сипоснома»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон, «Ифтихорномаҳо»-и Мақомоти иҷроияи Ҳокимияти давлатии ноҳияи Рӯдакӣ давоми солҳои 2018, 2020 сарфароз гардонида шудааст.

         Соҳиби чор фарзанд ҷои истиқомат, шаҳри Душанбе ноҳияи Сино, кучаи Майяковский хонаи 8, ҳуҷраи 73.

         Ман ва хешовандони наздикам доғи судӣ надоранд.

       Ширинзода Наҷмуддин Асомадин, директори Муассисаи давлатии таълимии Коллеҷи муҳандисию омӯзгории шаҳри Душанбе номзади илми филология.