Дар Коллеҷи муҳандисию омӯзгории шаҳри Душанбе дар соли таҳсили 2024-2025 бо дастгирии Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бинои таълимии №2 аз таъмири асосӣ бароварда шуда, дар доираи иҷрои бандҳои Нақшаи чорабиниҳои Барномаи мақсадноки давлатии рушди илмҳои риёзӣ, дақиқ ва табиӣ барои солҳои 2021-2025 дар ошёнаи 2-юми бинои таълимии №2 озмоишгоҳҳои таълимӣ аз фанҳои «Физика», «Химия», «Технологияҳои рақамӣ», «Технологияи иттилоотӣ», «География ва сайёҳӣ» ва кабинетҳои фанниро аз фанҳои «Биология», «Экология» ва «Математика» ташкил бо таҷҳизотҳои муосири замонавӣ, асбобҳои айёнӣ ва дигар воситаҳои техникӣ муҷҷаҳаз ва мавриди истифодабарӣ қарор дода шуданд.
Бо фароҳам овардани шароит, раванди таълим ва омӯзиши фанҳои табиатшиносӣ, дақиқ беҳтар гардида, дар ин росто аз санаи 16.10.2024 то 18.10.2024 дар доираи лоиҳаи Иттиҳоди Аврупо аз ҷониби омӯзгорони Коллеҷи муҳандисию омӯзгории шаҳри Душанбе аз фанҳои Физика, Химия ва Биология дар озмоишгоҳҳои болозикр дарсҳои кушоди озмоишӣ-амалӣ барои донишҷӯён бо иштироки намояндагони Лоиҳа ва омӯзгорони як қатор муассисаҳо таҳсилоти миёнаи касбӣ гузаронида шуданд.
Боиси қайд аст, гузаронидани чунин дарсҳои озмоишӣ-амалӣ ба рушд ва омӯзиши фанҳои мазкур такони ҷиддӣ мебахшад.
Раванди гузаронидани дарсҳои озмоишӣ- амалӣ барои донишҷӯён аз ҷониби коршиносони байналмилалӣ таҳлил гардида, баҳои баланд дода шуд.